ਚੀਨ ਦੇ ਤਿੱਬਤ ‘ਚ ਧਰਤੀ ਲਗਾਤਾਰ ਕੰਬ ਰਹੀ ਹੈ। ਕਰੀਬ ਛੇ ਘੰਟਿਆਂ ‘ਚ 14 ਵਾਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਪਹਿਲਾ ਭੂਚਾਲ ਸਵੇਰੇ 5:41 ਵਜੇ 4.2 ਦੀ ਤੀਬਰਤਾ ਨਾਲ ਆਇਆ। ਇਸ ਤੋਂ ਬਾਅਦ ਦੂਜਾ ਭੂਚਾਲ 7.1 ਦੀ ਤੀਬਰਤਾ ਨਾਲ ਆਇਆ। ਭੂਚਾਲਾਂ ਦਾ ਸਿਲਸਿਲਾ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ। ਭੂਚਾਲ ਦੇ ਝਟਕੇ ਹਰ ਮਿੰਟ ਬਾਰ ਬਾਰ ਮਹਿਸੂਸ ਕੀਤੇ ਜਾ ਰਹੇ ਹਨ। ਭੂਚਾਲ ਕਾਰਨ ਸਭ ਤੋਂ ਵੱਧ ਤਬਾਹੀ ਚੀਨ ਦੇ ਤਿੱਬਤ ਵਿੱਚ ਹੋਈ। ਮਲਬੇ ਹੇਠ ਲੋਕਾਂ ਦੇ ਦੱਬੇ ਹੋਣ ਦਾ ਖ਼ਦਸ਼ਾ ਹੈ। ਇਸ ‘ਚ 62 ਲੋਕ ਬੁਰੀ ਤਰ੍ਹਾਂ ਜ਼ਖਮੀ ਹੋਏ ਹਨ। ਚੀਨੀ ਫ਼ੌਜ ਬਚਾਅ ਕਾਰਜ ਚਲਾ ਰਹੀ ਹੈ।

ਨੈਸ਼ਨਲ ਸੈਂਟਰ ਫਾਰ ਸਿਸਮੋਲੋਜੀ ਮੁਤਾਬਕ ਸਵੇਰੇ 5.41 ਵਜੇ ਭੂਚਾਲ ਦਾ ਪਹਿਲਾ ਝਟਕਾ ਮਹਿਸੂਸ ਕੀਤਾ ਗਿਆ। ਰਿਐਕਟਰ ਸਕੇਲ ‘ਤੇ ਇਸ ਦੀ ਤੀਬਰਤਾ ਕਾਫੀ ਘੱਟ ਸੀ। ਪਰ ਸਵੇਰੇ 6:35 ਵਜੇ ਰਿਕਟਰ ਪੈਮਾਨੇ ‘ਤੇ 7.1 ਦੀ ਤੀਬਰਤਾ ਨਾਲ ਨੇਪਾਲ-ਤਿੱਬਤ ਸਰਹੱਦ ਨੇੜੇ ਸ਼ਿਜਾਂਗ ‘ਚ ਭੂਚਾਲ ਦੇ ਸਭ ਤੋਂ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਚੀਨੀ ਮੀਡੀਆ ਮੁਤਾਬਕ ਡਿੰਗਰੀ ਕਾਊਂਟੀ ‘ਚ ਭੂਚਾਲ ਦੇ ਸਭ ਤੋਂ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਤਿੱਬਤ ਵਿੱਚ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਹਨ। ਦੱਸ ਦੇਈਏ ਕਿ ਸਭ ਤੋਂ ਵੱਧ ਨੁਕਸਾਨ ਤਿੱਬਤ ਵਿੱਚ ਹੀ ਹੋਇਆ ਹੈ।

ਨੇਪਾਲ ਦੇ ਕਾਠਮੰਡੂ ‘ਚ ਆਏ ਸ਼ਕਤੀਸ਼ਾਲੀ ਭੂਚਾਲ ਕਾਰਨ ਲੋਕ ਘਰਾਂ ‘ਚੋਂ ਬਾਹਰ ਆ ਗਏ। ਭੂਚਾਲ ਦਾ ਅਸਰ ਕਾਬਰੇਪਲਾਂਚੋਕ, ਸਿੰਧੂਪਾਲਨਚੋਕ, ਧਾਡਿੰਗ ਅਤੇ ਸੋਲੁਖੁੰਬੂ ਜ਼ਿਲ੍ਹਿਆਂ ਵਿੱਚ ਵੀ ਮਹਿਸੂਸ ਕੀਤਾ ਗਿਆ। ਕਾਠਮੰਡੂ ‘ਚ ਭੂਚਾਲ ਦੇ ਝਟਕਿਆਂ ਤੋਂ ਡਰੇ ਲੋਕ ਘਰਾਂ ਤੋਂ ਬਾਹਰ ਆ ਗਏ। ਕੁਝ ਸਮੇਂ ਤੱਕ ਲੋਕਾਂ ਨੇ ਸੜਕਾਂ ਦੇ ਨਾਲ ਲੱਗੇ ਦਰੱਖਤ ਅਤੇ ਬਿਜਲੀ ਦੀਆਂ ਤਾਰਾਂ ਨੂੰ ਹਿੱਲਦੇ ਦੇਖਿਆ। ਸਵੇਰੇ ਸੱਤ ਵਜੇ ਦੇ ਕਰੀਬ ਇੱਕ ਘੰਟੇ ਦੇ ਅੰਦਰ ਚਾਰ ਤੋਂ ਪੰਜ ਤੀਬਰਤਾ ਦੇ ਘੱਟੋ-ਘੱਟ ਛੇ ਭੂਚਾਲ ਰਿਕਾਰਡ ਕੀਤੇ ਗਏ।

ਬਿਹਾਰ ਦੇ ਆਫ਼ਤ ਪ੍ਰਬੰਧਨ ਵਿਭਾਗ (ਡੀਐਮਡੀ) ਦੇ ਅਨੁਸਾਰ, ਰਾਜ ਦੇ ਪਟਨਾ, ਮਧੁਬਨੀ, ਸ਼ਿਓਹਰ, ਮੁੰਗੇਰ, ਸਮਸਤੀਪੁਰ, ਮੁਜ਼ੱਫਰਪੁਰ, ਕਟਿਹਾਰ, ਦਰਭੰਗਾ, ਪੱਛਮੀ ਚੰਪਾਰਨ, ਪੂਰਬੀ ਚੰਪਾਰਨ ਅਤੇ ਭਾਰਤ-ਨੇਪਾਲ ਸਰਹੱਦ ਦੇ ਨਾਲ ਕਈ ਹੋਰ ਜ਼ਿਲ੍ਹਿਆਂ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। . ਕਟਿਹਾਰ, ਪੂਰਨੀਆ, ਸ਼ਿਵਹਰ, ਦਰਭੰਗਾ, ਸਮਸਤੀਪੁਰ ‘ਚ ਵੀ ਭੂਚਾਲ ਤੋਂ ਬਾਅਦ ਲੋਕ ਘਰਾਂ ਤੋਂ ਬਾਹਰ ਸੜਕਾਂ ‘ਤੇ ਆ ਗਏ। ਬਿਹਾਰ, ਝਾਰਖੰਡ, ਪੱਛਮੀ ਬੰਗਾਲ, ਰਾਜਸਥਾਨ, ਉੱਤਰ ਪ੍ਰਦੇਸ਼, ਪੰਜਾਬ ਅਤੇ ਹਰਿਆਣਾ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।