ਅੰਮ੍ਰਿਤਸਰ : ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਪ੍ਰੋ. ਕਰਮਜੀਤ ਸਿੰਘ ਨੇ ਵਿੱਦਿਅਕ ਸਾਲ 2023-2024 ਲਈ ‘ਏ’ ਅਤੇ ‘ਬੀ’ ਡਿਵੀਜ਼ਨ (ਪੁਰਸ਼ ਅਤੇ ਔਰਤਾਂ) ਦੇ ਜੇਤੂ ਕਾਲਜਾਂ ਦਾ ਸਨਮਾਨ ਕਰਨ ਲਈ ਸੈਨੇਟ ਹਾਲ ਵਿੱਚ ਖੇਡ ਇਨਾਮ ਵੰਡ ਸਮਾਰੋਹ ਦੌਰਾਨ ਵਿਦਿਆਰਥੀ -ਐਥਲੀਟਾਂ ਦੀਆਂ ਪ੍ਰਾਪਤੀਆਂ ‘ਤੇ ਮਾਣ ਪ੍ਰਗਟ ਕਰਦਿਆਂ ਉਨ੍ਹਾਂ ਨੂੰ ਜੀਵਨ ਵਿਚ ਤਰੱਕੀ ਕਰਨ ਲਈ ਯਤਨਸ਼ੀਲ ਰਹਿਣ ਲਈ ਉਤਸ਼ਾਹਿਤ ਕੀਤਾ। ਪ੍ਰੋ. ਕਰਮਜੀਤ ਸਿੰਘ ਨੇ ਵਿਿਦਆਰਥੀਆਂ ਵਿੱਚ ਸਮੁੱਚੇ ਵਿਕਾਸ ਨੂੰ ਉਤਸਾਹਿਤ ਕਰਨ ਵਿੱਚ ਖੇਡਾਂ ਦੀ ਮਹੱਤਤਾ ਬਾਰੇ ਦਸਦਿਆਂ ਕਿਹਾ ਕਿ ਕਾਲਜਾਂ ਵਿਚ ਖੇਡਾਂ ਨੂੰ ਹੋਰ ਉਤਸਾਹਿਤ ਕਰਨ ਲਈ ਯੂਨੀਵਰਸਿਟੀ ਹੋਰ ਵੀ ਸਹਿਯੋਗ ਦੇਵੇਗੀ।
ਉਨ੍ਹਾਂ ਵਿਿਦਆਰਥੀਆਂ ਵਿਚ ਰੁਜ਼ਗਾਰਯੋਗਤਾ ਅਤੇ ਰੋਜ਼ਗਾਰ ਦੇ ਮੌਕੇ ਵਧਾਉਣ ਲਈ ਕੋਰਸਾਂ ਅਤੇ ਇੰਟਰਨਸ਼ਿਪ ਨੂੰ ਸਮੇਂ ਦੀ ਲੋੜ ਦਸਦਿਆਂ ਕਿਹਾ ਕਿ ਯੂਨੀਵਰਸਿਟੀ ਅਜਿਹੇ ਕੋਰਸ ਅਤੇ ਇੰਟਰਨਸ਼ਿਪ ਪ੍ਰੋਗਰਾਮ ਸ਼ੁਰੂ ਕਰੇਗੀ ਜਿਸ ਨਾਲ ਉਹ ਆਪਣੀ ਪੜ੍ਹਾਈ ਤੋਂ ਬਾਅਦ ਹੋਰ ਆਸਾਨੀ ਨਾਲ ਨੌਕਰੀਆਂ ਪ੍ਰਾਪਤ ਕਰ ਸਕਣ।
ਉਨ੍ਹਾਂ ਭਰੋਸਾ ਦਿਵਾਇਆ ਕਿ ਯੂਨੀਵਰਸਿਟੀ ਕਾਲਜਾਂ ਅਤੇ ਕੈਂਪਸ ਦੇ ਹਰੇਕ ਵਿਦਿਆਰਥੀ ਲਈ ਹਰ ਸੰਭਵ ਸਰੋਤ ਅਤੇ ਸਹਾਇਤਾ ਪ੍ਰਦਾਨ ਕਰਨ ਲਈ ਹਮੇਸ਼ਾ ਤਿਆਰ ਹੈ। ਇਸ ਮੌਕੇ, ਵਾਈਸ-ਚਾਂਸਲਰ ਪ੍ਰੋ. ਕਰਮਜੀਤ ਸਿੰਘ ਨੇ ਜੇਤੂ ਸੰਸਥਾਵਾਂ ਨੂੰ ਟਰਾਫੀਆਂ ਪ੍ਰਦਾਨ ਕੀਤੀਆਂ। ਇਸ ਸਮਾਗਮ ਵਿੱਚ ਪ੍ਰੋ. (ਡਾ.) ਪਲਵਿੰਦਰ ਸਿੰਘ, ਡੀਨ ਅਕਾਦਮਿਕ ਮਾਮਲੇ, ਡਾ. ਕੇ.ਐਸ. ਕਾਹਲੋਂ, ਰਜਿਸਟਰਾਰ, ਡਾ. ਪ੍ਰੀਤ ਮਹਿੰਦਰ ਸਿੰਘ ਬੇਦੀ, ਡੀਨ ਵਿਿਦਆਰਥੀ ਭਲਾਈ, ਡਾ. ਅਮਨਦੀਪ ਸਿੰਘ, ਇੰਚਾਰਜ, ਯੁਵਕ ਭਲਾਈ, ਡਾ. ਜਗਰਾਜ ਸਿੰਘ, ਪ੍ਰਧਾਨ ਜੀ.ਐਨ.ਡੀ.ਯੂ.ਐਸ.ਸੀ. (ਪੁਰਸ਼), ਡਾ. ਨਵਜੋਤ ਕੌਰ, ਪ੍ਰਧਾਨ ਜੀ. ਐੱਨ. ਡੀ. ਯੂ. ਐੱਸ. ਸੀ. (ਮਹਿਲਾ) ਅਤੇ ਡਾ. ਬੀਰ ਮਹਿੰਦਰ ਪਾਲ ਸਿੰਘ ਮੌਜੂਦ ਸਨ। ਡਾ. ਕੰਵਰ ਮਨਦੀਪ ਸਿੰਘ, ਡਾਇਰੈਕਟਰ ਸਪੋਰਟਸ ਨੇ ਯੂਨੀਵਰਸਿਟੀ ਦੀਆਂ ਖੇਡ ਪ੍ਰਾਪਤੀਆਂ ਬਾਰੇ ਇੱਕ ਵਿਸਤ੍ਰਿਤ ਰਿਪੋਰਟ ਪੇਸ਼ ਕੀਤੀ।
ਡਾ. ਕੰਵਰ ਨੇ ਕਿਹਾ ਕਿ ‘ਏ’ ਡਿਵੀਜ਼ਨ (ਪੁਰਸ਼) ਵਿੱਚ ਓਵਰਆਲ ਜਨਰਲ ਚੈਂਪੀਅਨਸ਼ਿਪ ਟਰਾਫੀ ਦੇ ਨਾਲ-ਨਾਲ ਸਰਵੋਤਮ ਓਵਰਆਲ ਪ੍ਰਦਰਸ਼ਨ ਲਈ “ਸ਼ਹੀਦ ਭਗਤ ਸਿੰਘ ਯਾਦਗਾਰੀ ਟਰਾਫੀ” ਖਾਲਸਾ ਕਾਲਜ, ਅੰਮ੍ਰਿਤਸਰ ਨੇ ਜਿੱਤੀ। ਲਾਇਲਪੁਰ ਖਾਲਸਾ ਕਾਲਜ, ਜਲੰਧਰ, ਅਤੇ ਡੀ.ਏ.ਵੀ. ਕਾਲਜ, ਅੰਮ੍ਰਿਤਸਰ, ਕ੍ਰਮਵਾਰ ਪਹਿਲੇ ਅਤੇ ਦੂਜੇ ਰਨਰ-ਅੱਪ ਸਥਾਨ ਪ੍ਰਾਪਤ ਕੀਤੇ।
ਮਹਿਲਾ ‘ਏ’ ਡਿਵੀਜ਼ਨ ਵਿੱਚ, ਐਚਐਮਵੀ ਜਲੰਧਰ ਨੇ ਓਵਰਆਲ ਜਨਰਲ ਚੈਂਪੀਅਨਸ਼ਿਪ ਟਰਾਫੀ ਜਿੱਤੀ, ਉਸ ਤੋਂ ਬਾਅਦ ਬੀ.ਬੀ.ਕੇ. ਡੀਏਵੀ ਕਾਲਜ ਫਾਰ ਵੂਮੈਨ, ਅੰਮ੍ਰਿਤਸਰ, ਅਤੇ ਜੀ.ਐੱਨ.ਡੀ.ਯੂ. ਕੈਂਪਸ, ਅੰਮ੍ਰਿਤਸਰ, ਪਹਿਲੇ ਅਤੇ ਦੂਜੇ ਰਨਰ-ਅੱਪ ਰਹੇ। ‘ਬੀ’ ਡਿਵੀਜ਼ਨ ਵਿੱਚ, ਐੱਸ.ਬੀ.ਡੀ.ਐੱਸ. ਖਾਲਸਾ ਕਾਲਜ, ਡੋਮੇਲੀ ਨੇ ਪੁਰਸ਼ਾਂ ਦੇ ਵਰਗ ਵਿੱਚ ਜਿੱਤ ਪ੍ਰਾਪਤ ਕੀਤੀ, ਜਿਸ ਵਿੱਚ ਐਸ.ਐਸ.ਐਮ. ਕਾਲਜ, ਦੀਨਾਨਗਰ, ਦੂਜੇ ਰਨਰ-ਅੱਪ ਰਿਹਾ। ਮਹਿਲਾ ਵਰਗ ਵਿੱਚ, ਹਿੰਦੂ ਕਾਲਜ, ਅੰਮ੍ਰਿਤਸਰ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ, ਜਦੋਂ ਕਿ ਦੋਆਬਾ ਕਾਲਜ, ਜਲੰਧਰ, ਦੂਜਾ ਰਨਰ-ਅੱਪ ਰਿਹਾ।
ਵਾਈਸ-ਚਾਂਸਲਰ ਨੇ ਸਾਰੇ ਜੇਤੂ ਕਾਲਜਾਂ ਨੂੰ ਵਧਾਈ ਦਿੰਦਿਆਂ ਇਸ ਗੱਲ ‘ਤੇ ਜ਼ੋਰ ਦਿੱਤਾ ਕਿ ਕਾਲਜ ਯੂਨੀਵਰਸਿਟੀ ਦੇ ਮੁੱਖ ਅੰਗਾਂ ਵਿਚੋਂ ਇਕ ਹਨ ਅਤੇ ਖੇਡਾਂ ਅਤੇ ਸੱਭਿਆਚਾਰਕ ਗਤੀਵਿਧੀਆਂ ਨੂੰ ਉਤਸਾਹਿਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ ਅਤੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਹਮੇਸ਼ਾ ਹੀ ਵਿਿਦਆਰਥੀਆਂ ਨੂੰ ਅਕਾਦਮਿਕਤਾ ਦੇ ਨਾਲ ਨਾਲ ਖੇਡਾਂ ਅਤੇ ਕਲਾ ਵਿਚ ਅੱਗੇ ਲਿਜਾਣ ਲਈ ਯਤਨ ਕਰਦੀ ਰਹੇਗੀ।
Leave a Reply