ਪ੍ਰਸਿੱਧ ਗਾਇਕ ਅਤੇ ਸੰਗੀਤਕਾਰ ਵਿਸ਼ਾਲ ਦਦਲਾਨੀ ਇੱਕ ਹਾਦਸੇ ਦਾ ਸ਼ਿਕਾਰ ਹੋ ਗਏ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਆਪਣਾ ਸੰਗੀਤ ਸਮਾਰੋਹ ਵੀ ਰੱਦ ਕਰਨਾ ਪਿਆ। ਇਹ ਜਾਣਕਾਰੀ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸਾਂਝੀ ਕੀਤੀ ਹੈ। ਦਰਅਸਲ, ਵਿਸ਼ਾਲ ਦਦਲਾਨੀ ਦਾ ਐਕਸੀਡੈਂਟ ਹੋ ਗਿਆ ਹੈ। ਹਾਲਾਂਕਿ ਇਹ ਹਾਦਸਾ ਕਿਵੇਂ ਅਤੇ ਕਦੋਂ ਹੋਇਆ, ਇਸ ਬਾਰੇ ਪੂਰੀ ਜਾਣਕਾਰੀ ਨਹੀਂ ਦਿੱਤੀ ਗਈ ਪਰ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਦੱਸਿਆ ਹੈ ਕਿ ਮੇਰਾ ਇਸ ਸਮੇਂ ਇਲਾਜ ਚੱਲ ਰਿਹਾ ਹੈ ਅਤੇ ਮੇਰੀ ਹਾਲਤ ‘ਚ ਹੋਲੀ-ਹੋਲੀ ਸੁਧਾਰ ਹੋ ਰਿਹਾ ਹੈ। ਇਹ ਖ਼ਬਰ ਜਾਣਨ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀ ਸਿਹਤਯਾਬੀ ਲਈ ਅਰਦਾਸਾਂ ਕਰ ਰਹੇ ਹਨ।

ਇਹ ਵੀ ਪੜ੍ਹੋ : ਪੰਜਾਬ ਪੁਲਸ ‘ਚ ਨਿੱਕਲੀ ਬੰਪਰ ਭਾਰਤੀ, 21 ਫਰਵਰੀ ਤੋਂ ਕਰ ਸਕਦੇ ਹੋ ਅਪਲਾਈ

ਵਿਸ਼ਾਲ ਦਦਲਾਨੀ ਨੇ ਆਪਣੀ ਇੰਸਟਾ ਸਟੋਰੀ ‘ਚ ਲਿਖਿਆ ਹੈ- ‘ਮੇਰੀ ਬਦਕਿਸਮਤੀ, ਮੇਰਾ ਇੱਕ ਛੋਟਾ ਜਿਹਾ ਐਕਸੀਡੈਂਟ ਹੋ ਗਿਆ ਹੈ। ਮੈਂ ਜਲਦੀ ਹੀ ਨੱਚਦਾ ਹੋਇਆ ਵਾਪਸ ਆਵਾਂਗਾ। ਮੈਂ ਤੁਹਾਨੂੰ ਜਾਣਕਾਰੀ ਦਿੰਦਾ ਰਹਾਂਗਾ। ਮੈਂ ਤੁਹਾਨੂੰ ਜਲਦੀ ਹੀ ਪੁਣੇ ‘ਚ ਮਿਲਾਂਗਾ।’ ਨਾਲ ਹੀ ਪੋਸਟ ‘ਚ ਲਿਖਿਆ ਗਿਆ, ”ਜ਼ਰੂਰੀ ਐਨਾਊਸਮੈਂਟ ਵਿਸ਼ਾਲ ਅਤੇ ਸ਼ੇਖਰ ਦਾ ਸੰਗੀਤ ਸਮਾਰੋਹ ਰੱਦ ਕਰ ਦਿੱਤਾ ਗਿਆ ਹੈ।

ਤੁਹਾਨੂੰ ਇਹ ਦੱਸਦੇ ਹੋਏ ਸਾਨੂੰ ਦੁੱਖ ਹੋ ਰਿਹਾ ਹੈ ਕਿ ਪ੍ਰਸਿੱਧ ਜੋੜੀ ਵਿਸ਼ਾਲ ਅਤੇ ਸ਼ੇਖਰ ਦਾ ਬਹੁ-ਉਡੀਕਿਆ ਅਰਬਨ ਸ਼ੋਅਜ਼ ਸੰਗੀਤ ਪ੍ਰੋਗਰਾਮ, ਜੋ ਕਿ 2 ਮਾਰਚ 2025 ਨੂੰ ਹੋਣ ਵਾਲਾ ਸੀ, ਵਿਸ਼ਾਲ ਦਦਲਾਨੀ ਨਾਲ ਹੋਏ ਇੱਕ ਮੰਦਭਾਗੇ ਹਾਦਸੇ ਕਾਰਨ ਮੁਲਤਵੀ ਕਰ ਦਿੱਤਾ ਗਿਆ ਹੈ, ਜਿਨ੍ਹਾਂ ਦਾ ਇਸ ਸਮੇਂ ਇਲਾਜ ਚੱਲ ਰਿਹਾ ਹੈ।”

ਇਹ ਵੀ ਪੜ੍ਹੋ : ਕੈਬਨਿਟ ਮੀਟਿੰਗ ਦਾ ਵੱਡਾ ਫੈਸਲਾ : 2 ਹਜ਼ਾਰ ਅਧਿਆਪਕ ਭਰਤੀ ਕਰਨ ਦਾ ਲਿਆ ਫੈਸਲਾ