ਰੋਮ (ਦਲਵੀਰ ਕੈਂਥ): ਨਵੇਂ ਸਾਲ 2025 ਦੀ ਆਮਦ ਦੇ ਮੌਕੇ ਤੇ, ਜਿੱਥੇ ਧਾਰਮਿਕ ਅਸਥਾਨਾਂ ਵਿੱਚ ਸ਼ਾਂਤੀਪੂਰਵਕ ਸਮਾਗਮ ਆਯੋਜਿਤ ਕੀਤੇ ਗਏ, ਉੱਥੇ ਹੀ ਇਟਲੀ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਨੌਜਵਾਨ ਵਰਗ ਵੱਲੋਂ ਤੜਕ-ਭੜਕ ਵਾਲੇ ਜਸ਼ਨਾਂ ਨੇ ਪੁਲਸ ਲਈ ਵੱਡੀ ਚੁਣੌਤੀ ਪੈਦਾ ਕਰ ਦਿੱਤੀ।

ਇਟਲੀ ਦੇ 7 ਵੱਡੇ ਸ਼ਹਿਰਾਂ ਵਿੱਚ ਪੁਲਸ ਨੇ 28 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਜਾਂਚ ਕੀਤੀ, ਜਦਕਿ ਕਾਨੂੰਨ ਦੀ ਉਲੰਘਣਾ ਕਰਨ ਦੇ ਦੋਸ਼ ਹੇਠ 146 ਲੋਕ ਗ੍ਰਿਫਤਾਰ ਕੀਤੇ ਗਏ। ਇਸ ਦੌਰਾਨ 309 ਲੋਕ ਜ਼ਖਮੀ ਹੋਏ, ਜਿਨ੍ਹਾਂ ਵਿੱਚੋਂ 69 ਹਸਪਤਾਲ ਵਿੱਚ ਇਲਾਜ ਅਧੀਨ ਹਨ। ਇਹ ਅੰਕੜੇ ਪਿਛਲੇ ਸਾਲ ਦੇ ਮਕਾਬਲੇ ਕਾਫ਼ੀ ਵੱਧ ਹਨ।

ਸ਼ਹਿਰ ਵਾਰ ਪੁਲਸ ਕਾਰਵਾਈ:

• ਮਿਲਾਨ: 7500 ਲੋਕਾਂ ਦੀ ਜਾਂਚ, 106 ਦੀ ਰਿਪੋਰਟ, 24 ਗ੍ਰਿਫਤਾਰ।
• ਰੋਮ: 3800 ਦੀ ਜਾਂਚ, 61 ਦੀ ਰਿਪੋਰਟ, 24 ਗ੍ਰਿਫਤਾਰ।
• ਨਾਪੋਲੀ: 2500 ਦੀ ਜਾਂਚ, 92 ਦੀ ਰਿਪੋਰਟ, 51 ਗ੍ਰਿਫਤਾਰ।
• ਤੁਰੀਨੋ: 5300 ਦੀ ਜਾਂਚ, 71 ਦੀ ਰਿਪੋਰਟ, 32 ਗ੍ਰਿਫਤਾਰ।
• ਫਿਰੈਂਸੇ: 1700 ਦੀ ਜਾਂਚ, 104 ਦੀ ਰਿਪੋਰਟ, 8 ਗ੍ਰਿਫਤਾਰ।
• ਬਲੋਨੀਆਂ: 6600 ਦੀ ਜਾਂਚ, 46 ਦੀ ਰਿਪੋਰਟ।
• ਪਲੇਰਮੋ: 800 ਦੀ ਜਾਂਚ, 40 ਦੀ ਰਿਪੋਰਟ, 4 ਗ੍ਰਿਫਤਾਰ।

ਪੁਲਸ ਰਿਪੋਰਟ ਅਨੁਸਾਰ:
ਪਟਾਕਿਆਂ ਅਤੇ ਵਿਸਫੋਟਕ ਸਮਗਰੀ ਦੀ ਵਰਤੋਂ ਨਾਲ ਜ਼ਖ਼ਮੀ ਹੋਣ ਵਾਲਿਆਂ ਦੀ ਗਿਣਤੀ ਵੀ ਵਧੀ ਹੈ। ਇਸ ਸਾਲ 12 ਲੋਕ ਗੋਲੀਬਾਰੀ ਕਾਰਨ ਗੰਭੀਰ ਜ਼ਖ਼ਮੀ ਹੋਏ। ਨਾਬਾਲਗਾਂ ਵਿੱਚ ਵੀ ਜ਼ਖ਼ਮਾਂ ਦੇ ਮਾਮਲੇ ਵਧੇ ਹਨ। ਪੁਲਸ ਨੇ 473 ਰਾਕੇਟ ਲਾਂਚਰ, 43 ਹਥਿਆਰ, 6332 ਗੋਲਾ-ਬਾਰੂਦ, ਇੱਕ ਕਿਲੋ ਤੋਂ ਵੱਧ ਬਾਰੂਦ ਅਤੇ ਇੱਕ ਲੱਖ ਤੋਂ ਵੱਧ ਹੋਰ ਖਤਰਨਾਕ ਵਿਸਫੋਟਕ ਸਮਗਰੀ ਬਰਾਮਦ ਕੀਤੀ ਹੈ।

ਸਰਵਸੰਮਤੀ:
ਨਵੇਂ ਸਾਲ ਦੇ ਜਸ਼ਨਾਂ ਨੇ ਜਿੱਥੇ ਨੌਜਵਾਨਾਂ ਲਈ ਖੁਸ਼ੀ ਦਾ ਮੌਲ ਬਣਾਇਆ, ਉੱਥੇ ਹੀ ਇਹ ਪੁਲਸ ਲਈ ਵੱਡੀ ਸਿਰਦਰਦੀ ਦਾ ਕਾਰਨ ਬਣਿਆ।